Tanz Paray / طنز پارے is a sarcastic poetry book written by the brilliant and notable Urdu poet Asrar Jamyee. This humorous poetry book in Urdu brings together poems that not only maintain a sharp sense of humor but also explore inventive styles and expressions, making readers laugh, think, and reflect all at once.

Each poem in this humorous poems book is crafted to tickle the mind while delivering subtle commentary, proving that sarcasm and humor can go hand in hand. This sarcastic poetry book in Urdu is perfect for anyone who loves clever wordplay, biting satire, and laughter woven into meaningful poetry.

Whether you are searching for a traditional or a modern funny poetry book in Urdu, Tanz Paray promises to leave a lasting impression and add a sparkling touch to your collection of Urdu poetry.

Quotes from Tanz Paray/طنز پارے - Sarcastic Poetry

“کتّے کی وفاداری کی اتنی صاف ، واضح اور سچی تصویر انسان کی فطرتِ وفاداری کو جھنجھوڑنے کے لئے بالکل تیر بہدف ہے۔”

— Asrar Jamyee Truth

“فیؔض یقیناً فکر و فن کے اعتبار سے بڑے شاعر ہیں اور اردو شاعری میں ان کا ایک محترم مقام ہے۔”

— Asrar Jamyee Poetry

“اُردو کے جوہر شناس شاعر اسرؔار جامعی ہیں جنہیں وزیرِاعظم اور ان کےوزیروں کی اَنا کے حد سے زیادہ پھولے ہوئے غباروں کو پنکچر کرنے میں مہارت ِ تامہ حاصل ہے۔”

— Asrar Jamyee Success Truth

Browse all quotes

Reviews (0)

Rate this book Tap a star — no account needed to start

No reviews yet — be the first to review it.

About the Author

Asrar Jamyee Author

"جناب اسرؔار جامعی نہایت پْر آشوب دورمیں سراپا آشوب ہیں، پیرائیہ اظہار ہے طنزومزاح، وہ بھی شعر میں ، صورت سے نہایت مسکین اور اپنے اشعار میں نہایت جری، جہاں کہیں ناہمواری، ظلم زیادتی، بے رحمی اور بے وقعتی پائی وہیں سینہ سپر، قلپ کو تلوار اور لفظوں کو تیر و تبر کی طرح برتنے کا فن انہیں آتا ہے تو ناہمواری ، ظلم اور منافقت پر مگر اس جلن سے بھی وہ درگندھ نہیں سگندھ فراہم کرتے ہیں اطر لفظوں میں احساس کے زخموں کو پھول اور ستارے بناتے ہیں۔ اکبؔر الٰہ آبادی کی طرح انہیں لفظوں کی خلّاقانہ تحریف پر قدرت ہے ایک حرف اِدھر سے اْدھر کیا اور طنزوتعریض کا مقصد پورا کر لیا پھر محاوروں پر وہ قدرت ہے کہ ان کے استعمال میں ذرا سی نادرہ کاری کر کے وہ تلسم نا آشنا ہونٹوں پر بھی مسکراہٹ بکھیر دیتے ہیں۔ مزے کی بات یہ ہے کہ وہ دقیانوسی ہیں نہ ماضی پرست اور ان دونوں کے بغیر ہمارے ادب میں طنزومزاح کا چراغ بہت کم روشن ہوا ہے۔ اسرؔار جامعی کے یہاں طنزومزاح کا تانا بانا فکرواحساس کی تازہ کاری سے بْنا جاتا ہے اور جب کبھی اس دائرے میں کوئی بے تْکا پن دکھائی دیتا ہے تو وہ اْسے جوں کا توں پیش کر دیتے ہیں ۔ طنزومزاح کا کمال ہی یہ کہ وہ آئینے کی طرح صاف اور شفاف ہو اور اْس مزاحیہ منظر سے لطف اٹھانے کے لئے ہلکے سے اشارے کی ضرورت ہو تو ہو کسی تبصرے کی گنجائش ہی نہ ہو۔ بےشک اْردو اَدب کا دامن طنزومزاح کے اعلیٰ نمونوں سے بھرا ہوا ہے مگر دْورِ حاضر میں اسرار جامعی کی تخلیقات نے اسے وسیع تر کیا ہے اِدھر طنزومزاح کی تمام تر توجہ نثر کی طرف ہوگئی تھی اْسے پھر سے نظم کا پیرایہ بخشنے کے سلسلے میں اْن کا کارنامہ قابل قدر ہے ان کے طنزومزاح میں محض ہنسی اور قہقہوں کی کھنک ہی نہیں ہے انسانی زندگی کی اونچ نیچ پر بھی نگاہ ہے۔ طنزومزاح نہایت نازک صنف ہے اسرؔار جامعی نے اسے پوری نزاکت اور لطافت کے ساتھ برتا ہے۔ ان کے شعر پر ان کے اپنے دور کی معاشرت کی اور اْس کی ناہمواری کی مہریں ثبت ہیں اور اسی کے ساتھ ان کی اپنی سلاست طبع ان ناہمواریوں پر نشان لگائی جاتی ہے مگر اس طرح کہ اس کی ساری ناگواریوں کی تلخی محض خندہ زیِر لب بن کر رہ جاتی ہے۔ دورِ حاضر میں جو خلاء پیدا ہوا تھا اْسے اسرؔار جامعی کی شاعری نے پْر کیا ہے اور اس انداز سے پْر کیا ہے کہ اس میں رشید احمد صدیقی اور مشتاق احمد یوسفی کے نثری طنزومزاح کی طْرفگی اور نادرہ کاری جا بجا در آئی ہے۔ اس لحاظ سے اس خشک اور بےہنگم دور میں اسرؔار جامعی کا کلام تازہ ہوا جھونکے کی طرح فرحت بخش ہے۔ اسرؔار جامعی بلا محا با اپنے اِردگرد کی مضحک تصویریں کھینچتے چلے جاتے ہیں ان کے پہلو کچھ اس طرح اْجاگر کرتے ہیں کہ ان پر ہنسی آتی ہے لیکن ان کا انداز مزاق اْڑانے کا نہیں ہوتا بلکہ ان کے پیچھے جلوہ گر حقیقتوں کی دھوپ چھاؤں دکھانے کا ہوتا ہے۔ وہ بڑی چابک دستی سے اْردو کے باکمال شاعروں کے اَسالیب اور اشعار کا چربہ اتارتے ہیں اور سؔودا سے لے کر اقباؔل تک کے سبھی سخنوروں سے فیض یاب ہوتے ہیں اور انہیں کے کلام کے رنگ وآہنگ سے نئے مضامین پیدا کرتے ہیں مگر کمال یہ ہے کہ ان کے کلام کواس طرح اپناتے ہیں کہ خود اصل شاعر بھی دعویٰ کرے تو قابلِ قبول معلوم نہ ہو۔ اسرؔار جامعی کی شاعری زبان کے ادراک اور تفہیم کی طرف راغب کرتی ہے وہ چھوٹے چھوٹے ذو معنی الفاظ سے نت نئے مضامین پیدا کرتے ہیں اور اکثر مطالب کے اسی دوہرے پن کو مزاھ سے اْبھارتے ہیں (مثلاً اسمِ اعظم اور یاد کےآخری مصرعے) ان کی نظموں میں ایک قدرتی ارتقا اور ربط ملتا ہے۔ ہر نظم گو یا اےک نقطئہ عروج کی طرف رواں ہے اور آخری مصرعے تک پہنچتے پہنچتے بھر پور طنزومزاح کا پہلو پیش کرتی ہے۔ اکثر مزاح نگار شاعروں کا جادوں شاعری کے بیانیہ انداز سے کمزور ہوجاتا ہے، واقعہ نگاری ایک الگ فن ہے اور واقعہ نگاری کے ذریعے طنزومزاح پیدا کرنا ابتدائی مرحلہ ہے یہی ابتدائی منازل آگے چل کر اْس منزل تک بھی پہنچتی ہیں کہ واقعہ کے بجائے محض الفاظ کی بندش یا اْلٹ پھیر سے مزاح پیدا کیا جاتا ہے یا اس سے آگے چل کر مزاح کا رشتہ محض تصورات سے اس طرح جْڑجاتا ہے کہ واقعہ اور لفظ دونوں مرکزی حیثیت کھو بیٹھتے ہیں۔ اسرؔار جامعی کی شاعری میں یہ سبھی منزلیں صاف صاف دکھائی دیتی ہیں اور ہر منزل میں انہوں نے اپنی حِسّ مزاح کو نہ صرف قائم رکھا ہے بلکہ اْس کے اظہار کے نت نئے طریقے اور اسلوب نکالے ہیں۔ مجھے امید ہے کہ ان کا یہ مجموعہ کلام ہاتھوں ہاتھ لیا جائے گا اور اس کے وسیلے سے اْردو کے طنزیہ اور مزاحیہ اَدب میں خاطر خواہ اضافہ ہوگا۔ پروفیسر محمد حسن

View profile