پہلا قدم - Pehla Qadam 0 Reviews

By: Hakeem Ameer Ali Talash

No Ratings Yet

Hardcopy Price

PK Flag
PKR 700
INR Flag
INR 500
USD Flag
USD 20

E-book Price

PK Flag
PKR 300
INR Flag
INR 150
USD Flag
USD 0.99

 

یہ شعری مجموعہ ”پہلا قدم“ حکیم امیر علی تلاش ؔ کی پہلی کتاب ہے۔ اس کتاب میں ان کے کلام سے منتخب بہترین غزلوں کو یکجا کیا گیا ہے۔

حکیم امیر علی تلاش ؔ کا شعری اسلوب بےحد رواں اور منفرد ہے۔ اس کتاب میں ان کی یہی خوبی نمایاں ہے۔

بقلم پروفیسر راشد محمود:

اللہ تعالیٰ نے حکیم صاحب کو کئی ایک خوبیوں سے نوازا رکھا ہے لیکن انہوں نے اپنی ساری عمر گم نامی اور گوشہ نشینی میں گزار دی ہے اور ادب پارے اکٹھے کرنے میں جتنے یہ آگے گئے ہیں تعارف کے حوالے سے اتنے ہی پیچھے گئے ہیں۔ ان کا ایک شعر ہے،

ہیں ولی بھی رند بھی شاعر بھی کیا کیا ہیں تلاش
 حضرت والا سبھی کچھ ہیں مگر ہیں نام کے

لیکن میرے نزدیک  یہ صرف نام کے ہی نہیں بلکہ بڑے ہی کام کے ہیں۔ حکیم صاحب طبعاً شاعر بھی ہیں اور درویش بھی اور غالباً انہی دو اوصاف نے ہی انہیں دنیا کی ہنگامہ آرائی سے الگ تھلگ رکھا ہے۔ اور اس میں اس علیم و حکیم ذات کی ایک حکمت یہ بھی تھی کہ اگر حکیم صاحب شروع سے ہی مشہور اور مصروف ہو جاتے تو اتنے گراں قدر ادب پارے اکٹھے نہ کر سکتے لیکن اب ان کے چھپنے کا وقت آ گیا ہے نہ کہ چُھپنے کا۔ بالکل اس طرح جیسے جب ایک فصل پک جاتی ہے تو پھر اس کو پانی اور کھاد وغیرہ کی ضرورت نہیں ہوتی بلکہ اسے کاٹ کر کام میں لانے کی ضرورت ہوتی ہے۔ اتنی کثیر اور ضخیم کتابوں کا تقاضا یہی ہے کہ اب ان کو منظرِ عام پہ لایا جائے۔ جب بھی حکیم صاحب کا ذکر ہو جاتا یا ان سے ملاقات ہو جاتی تو دیر تک یہ خیال دامن گیر رہتا کہ انہیں یوں بے خبری میں ضائع نہیں ہو جانا چاہیئے۔ لیکن اب ان کے عالم پیری کو دیکھ دیکھ کر تو ایک افسوس سا ہونے لگتا تھا اور خالق تقدیر کی شوخی اور بےپرواہی کا مشاہدہ کر کے ایک حیرت سی ہوتی تھی۔

اقبال شناسی حکیم صاحب کی شخصیت کا ایک خاص اور قابل قدر وصف ہے جو بے شک قابل ستائش ہے۔ قحط الرجال کے اس دور میں کسی اقبال شناس کا وجود غنیمت ہے۔

 

ISBN (Digital) 978-969-696-742-2
ISBN (Hard copy) 978-969-696-733-0
Total Pages 216
Language Urdu
Estimated Reading Time 4 hours
Genre Poetry
Published By Daastan
Published On 31 Oct 2022
No videos available
Hakeem Ameer Ali Talash

Hakeem Ameer Ali Talash

حکیم امیر علی تلاشؔ تحصیل تاندلیانوالہ کے ایک پسماندہ گاؤں میں ١٩٥٠ء میں پیدا ہوئے۔ انھوں نے ١٩٦٩ء میں ایم سی ہائی سکول سے میٹرک پاس کیا اور اس کے بعد مولوی شاہ محمد صعودی سے عربی فارسی کی ابتدائی تعلیم حاصل کی۔ اسی سلسلے کے دوران انھوں نے علامہ محمد اقبال کی کتابیں اور مولانا رومی کی مثنوی شریف کا مطالعہ شروع کیا اور خود بھی ٹوٹے پھوٹے شعر کہنے لگے۔

حکیم صاحب نے ١٩٧٣ء سے ١٩٨٠ء تک ٹاؤن کمیٹی سمندری میں بطور لائبریری کلرک کام کیا۔ وہیں اپنی کتب بینی کے شوق کو پورا کیا۔ اس کے بعد ١٩٨٧ء میں فاضل الطب والجراحت کا ڈپلومہ حاصل کیا اور گھر میں ہی مطب کھول لیا۔ اس کے بعد  حکیم صاحب  کا رابطہ اپنے علاقے کی معروف علمی و ادبی شخصیت پیر محمد انوار حسین قادری سے قائم ہوا جو کہ ان کی وفات تک جاری رہا۔ وہ ان سے وہ شاعری میں مدد لیتے رہے اور ان سے بہت کچھ سیکھنے کا موقع بھی ملا۔

٢٠١٩ء میں شہر تاندلیانوالہ کے مایہ ناز انگریزی پروفیسر جناب راشد محمود کی سرپرستی میں ”انجمن فیضان اقبال تاندلیانوالہ“ کی بنیاد رکھی اور فکرِ اقبال کی روشنی میں مقالہ جات پیش کرنے شروع کیے۔ ان کی چند ایک مصروفیات کے ساتھ اگر ان کی شادی کو بھی شامل کر لیا جائے تو حکیم صاحب کی زندگی میں باقی جو کچھ بچتا ہے وہ ان کی ”مشق سخن“ ہی ہے۔

Reviews


Be the first to review it. Start now.

Books in Same Genre